Träffe ufem Wiehnachtsmäärt in Züri

[Seepo]

Träffe ufem Wiehnachtsmäärt am Glüehwystand?

In Züri isch de Wiehnachtsmäärt jede Tag, aber es chönnt ja au Luzern oder es anders Dorf miteme glatte Määrt si. Dä in Uster isch o sehr schön, oder, oder, oder?

Also, Vorschleg mit Zit und Ort si gfraget...

de Salvi het o Uster gmeint, da wäremer scho zwöi!

[Bluelight1]

Hallo Zusammen

was au no en schöne Wiehnachtsmärt währi, währ de Bremgartner Christchindlemärt (Kt. AG)

Isch genau wie de Uschtener am Samichlausweekend.

Das heisst, wenn Ihr am Sunntig an Märt gönd, wär ich prinzipiell au gern derbii, den am 7. Dez. han ich frei, müsst aber natürlich no mini Frau fröge, ob sie au Luscht hetti

Liebs Grüessli vom Georg

[Seepo]

@Georg

um weli Ziit faht denn dä a? I muess nämlich am 7. am Abe schaffe und müesst allerspätestens am füfi deheime si.
--
... das leben ist zu kurz um nicht (cc-) verrückt zu sein ...
:bounce: :bounce: :dance1: :bounce: :bounce:

[Bluelight1]

@Seepo

weiss es nid gnau, aber am 18.00 Uhr isch er amigs glaub ich scho fertig, wird also früeh aafange


Grüessli vom Georg

[Dirk_WAF]

HÄÄÄÄÄÄÄÄÄÄÄÄÄÄÄÄÄÄÄ????????????? ;D ;D

[Bluelight1]

Sali Zäme

Da no de Link vom Bremgartner Wiehnachts und Christchindlimärt:bounce:

http://www.weihnachtsmarkt.ch/programm/programm.html¨


I Eusne Auge eine vo de schönschte Märt wos git!!!

Grüessli vo de Nicole und vom Georg

[Bluelight1]

:bounce: :smile: :bounce: :smile: :bounce:

[Seepo]

also das isch doch mal e gueti idee... i chan aber no nid definitiv zuesäge, han doch no bsuech, aber dä nimeni eifach mit.

--
... das leben ist zu kurz um nicht (cc-) verrückt zu sein ...
:bounce: :bounce: :dance1: :bounce: :bounce:

[harry_ch]

Hallo Zäme

Also ich würd gern en Vorschlag machä, aber ich känn mi da überhaupt nöd us. Bin würklich no nie i de Schwyz a somene Märt gsi.
Au wänn ihr am 7. Dez go würded chönntid mir nöd mitcho. A dem Sunntig isch bi Eus effektiv scho alles bsetzt. Es isch verruckt, zerscht isch nüt vorgseh und plötzlich langts nümme ...

Luegid mir vorzue, wänns zitlich dänn doch goh würdi, wäred mir scho debi.

Es liebs Grüessli

Trudi und Harry

[Seepo]

@harry

ha grad mitem Georg gredt, mir chönd ja am 7. in Bremgarte ga und amene andere Tag, emal under de Wuche, in Züri. Dört isch de Märt ide Bahnhofhalle miteme superschöne Swarovski-Wiehnachtsboum. De Märt sälber isch nid umwerfend, aber es het o dete schöni Sache. Schön isch halt d Wiehnachtsbelüchtig ide Stadt, vor allem ide Bahnhofstrasse und dete wo de Loeb isch. Wenn würs denn dir emal ga?
--
... das leben ist zu kurz um nicht (cc-) verrückt zu sein ...
:bounce: :bounce: :dance1: :bounce: :bounce:

[Wildy]

@seepo


:lickout: :look: :rotate: also Züri uf de Wiehnachtsmärit chum ig gern mit!

...bi leschtes johr gsi u han den Swarovskybaum gseh es träumli sag ig euch :bounce: :bounce: :bounce:

[Bluelight1]

Hallo Zusammen

Nicole und ich gehen nun definitif am 7. Dezember an Christchindlimärt in Bremgarten:bounce: :bounce: :bounce:

Wenn jemand Lust hat, kann er sich ja bei uns melden

Wenn,s ein paar von uns werden, werde ich kucken,
dass wir ein hübsches Restaurant zum treffen reservieren können

Grüessli vom Georg

[Seepo]

@georg

wie gseit, i müesst auerspätestens am vieri losdüse und müesst auso so zwüsche haubi u zwöi detä si, damit sechs lohnt...
wieso restaurant? isch doch e märt? mer chönnte doch ou en guete glüehwy oder punsch dusse trinke? mau luege was de bald-schwizer meint derzue
mir ghöre üs no

es grüessli
ccolette
--
... das leben ist zu kurz um nicht (cc-) verrückt zu sein ...
:bounce: :bounce: :dance1: :bounce: :bounce:

[harry_ch]

Hallo Zäme

Wie scho gseit chönd mit leider am 7. Dezämber nöd mitcho. Isch en ganz verruckte Tag, alles mitenand.
Aber under de Wuche emol uf Züri wäred mir au debi. Es isch normalerwis au keis Problem wägem Datum, das sötti immer irgend emol go. Vilicht bringed mer det emol es paari zäme.

Liebs Grüessli

Harry

[Bluelight1]

Hallo Zäme

under der Wuche mal uf Züri wär vo mir uus au i.O.,
müsst halt nur wege mine Dienscht luege.

Frei hett ich sicher a folgende Täg:

12.12/ 18.12.

Grüessli vom Georg :bounce: :bounce: :bounce: